MHINDURO yemufananidzo wesvondo rapera ndeinoti kumenya.

Hedzinoi dzimwe dzemhinduro dzakabva kuvamwe vaverengi:

Kumenya – Chief Muvengwa, Highfield, Harare.

Kumenya – Ambrose Muchenje, Jakata, Rusape.

Kumenya – Chids Tapererwa, Chitamba Farm, paGan’a.

Kumenya – Tiyange Shereni Chimbizi, Mapunga, Bindura.

Kumenya – Sasha K. Kugara, Ushewekunze.

Kumenya – Stephen Vhiringa, Budiriro 4, Harare.

Kumenya – 0775 692 759.

Kumenya – Amos Musariyarwa, Maniresa Park.

Kumenya – Chris Murombedzi, Chishoshe School, Mhondoro.

Kumenya – G. Zimunya, Prospect, Waterfalls.

Kumenya – Mashoko Chikuku, Chidyamakono School, Dhumhe Village, Chivi.

Kumenya – 0772 410 573.

Kumenya – Taurai Mataga.

Kupara – Precious Museka, Gutu.

Kupenya – John John, Marondera.

Kumenya – Baba Mid, 1207 North Wood, Chivhu.

Kumenya – Trymore Muzvada, Siyaso Magaba.

Kumenya – Taurai Mataga, Chihota, Marondera.

Kumenya – S. Store, 17649 k/5, Hre.

Kufunura – Michael Muzembi, Masvingo.

Kumenya – Mudhara Gonyeti, 28 Emerald West, Headlands.

Kumenya – Elisha Murwisa, Luxury Store, Box 121, Mt Darwin.

Kumenya – Lister Nyahuku, Mutanda Primary School, Mutare.

Kumenya – Comfort Chiteme, Damofalls Tarisa Park.

Kumenya – Beloved Chiteme, Damofalls, Ruwa.

Kumenya – Buju, Chitamba Farm paGan’a.

Kumenya – Mai Farai Simango, 2603 Jerusalem, Machipisa, Highfield.

Kumenya – Tawanda Chitare, Mutare.

Kumenya – Juanita Frank.

kumenya – Daniel Mhirizhonga, Murewa.

Kumenya – Mbuya Tadiwa, 2192 Egypt, Highfield.

Kumenya – 2 in 1 Alisha Allia Nyamukondiwa, Jaya Village, UMP.

Kumenya – Mumu, Chimonyo, Nyanga.

Kumenya – Junior Chimonyo, Nyanga.

Kumenya – Nyasha Gono Magomo, Meja Village, Uzumba.

Kumenya – Rejoyce Magomo, Magunje Secondary School, UMP.

Kumemya – K. Joni, 1994 Kiaora Phase 2, Banket.

Kumenya – Simbarashe, Dzumbunu, Mhondoro.

Kumenya – R. Humbasha Soko Wafawanaka, Unit M, Chitungwiza.

Kumenya – Lamion Chiuta, Chiko, Ushewekunze, Harare.

Kumenya – Brendan Mugwagwa, Strathaven, Hre.

Kumenya – Givemore Gurure Musombodhiya, Mutoko.

Kumenya – Panganai Tome, Mutoko.

Kumenya – Brenda Nyatsika, Success College, Hatcliffe, Borrowdale.

Kumenya – Edmore Zenderani, Hopley.

Kumenya – B. Mutsvanzva, Domboshava.

Kumenya – Queen Stephen Ngirazi, Domboshava.

Kumenya – Edson Mganga Nyati, Mashamba School, Midlands.

Kumenya – Mai Ruru, Hatcliffe.

Kumenya – Kimberely Matibiri, Waterfalls.

Kumenya – McDonald Mapinyi, Shambare Village, Dembwa Primary School.

Kumenya – Besterayi, Glen Norah, Harare.

Kumenya – Gilbert, Murewa.

Kupara – Tracy, Virginia, Macheke.

Kumenya – C. Zunguzira, 82 Torwood, Redcliffe.

Kumenya – Llyod Mashoro, Budiriro 1.

Kumenya – Kudakwashe Makanjera, Manyame Park, Chitungwiza.

Kumenya – 0776 822 543.

Kumenya – Jane Chinongoza, Gutu.

Kumenya – Trymore Chinongoza, Gutu.

Kumenya – Perceval Chinongoza, Gutu.

Kumenya – Phanton Chinongoza, Gutu.

Kumenya – Jairos Bingwani, Chitungwiza.

Kumenya – Elizabeth Bambele, Koala Park Abbatiour, Seke Road.

Kumenya – David Utete, Epworth.

Kumenya – Brain Mutamangira, Mutasa, Mutare DC.

Kumenya – Gilbert Kachidza, Kapotesa School, Mudzi.

Kumenya – 0784 880 084.

Kumenya – Katsvairo wePlatinum, 22 Brigade, Mudzi.

Kumenya – Bianca Nyongoro, Marondera.

Kufurura – Mai Misheck.

Kumenya – Junior Munyoro, Mvurwi.

* * *

Kubvisa ganda pamhuka kunonzi kuita sei?.

* * *

Onai mhinduro svondo rinouya.

. Tumira mhinduro panhare dzinoti 0714 200 007.

Ticha Danga

MWEDZI waMbudzi une zvakawanda zvinoitika. Mwedzi uno unozivikanwa nekurangarirwa nevazhinji nekuda kwezvaunotakura.

Muna Mbudzi ndimo munonaya munhuruka uyo unoita kuti vanhu vatange kurima nekudyara mbesa. Ndiwo mwedzi zvakare unowanda mbudzi. Mumwedzi iwoyu ndimo mune zvinoera zvakawanda.

Pane mazwi atinoda kiti tibate tigoziva musiyano wawo. Chinhu chinoera chinhu chisingatambwi nacho kana chokuti ukapikisana nacho unosangana nematambudziko.

Zvinhu zvairambidzwa mumwedzi waMbudzi zvaiera zvechokwadi. Izvi zvaidaro nekuti mwedzi uyu wainzi ndewesabata ravaShona. Nanhasi munaMbudzi hamurohwe makuva.  Itsika yavaShona yekuti kana munhu achinge ashaya, anoitirwa mutambo mukuru apo vanhu vanorara vachinwa doro vachikumbira kumidzimu yavo kuti mushakabvu anenge ari kunze kwemusha adzoke mumusha kuzochengeta mhuri yaakasiya achiidzivirira kubva kumhepo dzakaipa. Izvi zvinonzi hazvifanirwi kuitwa mumwedzi uyu, kana zvakaitwa mhuri iyoyo inenge yazvipeurira mhepo yakaipa.

Mumwedzi waMbudzi munhu haabvumirwe kuroora mukadzi kana kutizisisa mukadzi.

 Naivowo vakadzi vanotozviziva kuti havafanirwi kutizira. Unotoshivirira kana zvichinge zvanangana newe dzamara mwedzi iwoyo wapfuura nokuti ukaita nharo kwaunoeda unongonodzorwa nekuti hakuna vanoda kuigirwa jambwa mumisha.

Chimwezve chinoereswa navaShona panguva iyi ndechekuti hakupirwi midzimu.  Kupira midzimu panguva iyi kunenge kuri kushora vari pasi. 

Chero nanhasi zvichiri kutevedzerwa.  Hongu hatirambi kuti tsika dzedu dzoeredzwa nezvakauya zvechiRungu asi nyaya yekuera kwemwedzi waMbudzi haisi yekubata zinyekenyeke. Zvinosiyana nezvieraera izvo zvinongovapo kudzivisa vanhu kunyanya vana kuti vasapinde mumadzudzo kana munataisireva.

Munyaradzi Gunduza
TINOPEDZISA zvidzidzo zvinobva muna Kuda Muhondo svondo rino.

Chinhu chinonzi kuteerera murawo chaikosha zvikuru muhondo – vanhu pavanoenda kunopotera kuMozambique vanoudzwa naKomuredhi Pedzi kuti vafambe vakaita mudungwe vachiti patsika mumwe ivo votsikawo vachangobva pabhodha asi vamwe vanotadza kutevedzera chimiso ichi. Izvi zvinoita kuti vasere vasina kutevera varasikirwe nehupenyu vaputikirwa nezvimbambaira.

Chinangwa chehondo chaive chekuti vazukuru venyika yeZimbabwe vazogare zvakasununguka – zvinonzi, “Umbwende hunoshoresa, munhu haangasiye nhaka yeumbwende.” Magamba akatsidza kuti zvaive nani kupere kufa vose pane kuti vazoshorwa nevazukuru vavo vachinzi dzaive mbwende.

Hondo yaive isina mugoni – tinonzwa kuti mukuru mukuru akanga aine humbirimi hwekugona kurwa hondo chaizvo ainzi Kandege akaparara muhondo achirwa nemabhunu. Kuda aive Detachment Commander akabviswa gumbo nebara nemabhunu vachirwisana kuBuhera.

Hondo yaisada vanhu vanocheuka vachitarisa mamwe mativi – tinonzwa Komuredhi Nhamo Mutema vachiudza Kuda kuti mamwe magamba anopanduka achinotengesa hondo kuvachena kana achinge asisade hondo. Zvino magamba ainge akadaro aifanira kuzouraiwa pakarepo nekuti aidzosera hondo yechimurenga mumashure.

Kuhondo munhu wese aive hama yako – vanhu pavanosvika kukamba 1 tinonzwa zvichinzi pakanga pasisina zvekuti ndinozivana nangana nekuti munhu wese aiwanikwa munzvimbo yehondo uye wese weganda dema aive hama yemagandanga. Zvekuitana hama nehama kuhondo hazvaitenderwa.

Mazita emagamba nezvaanoreva:

Iyi itsika yeVaShona yekuti zita rinotumidzwa munhu kazhinji rine zvarinoreva kungave kumuridzi waro, kuvatumidzi vezita, kumhuri yemutumidzwi wezita, kunharaunda igere mutumidzi wezita, chitendero chemutumidzwi wezita, zvichingodaro. Mazita aishandiswa muhondo yeChimurenga nemagandanga aive nezvaaireva takanangana nedonzvo rehondo pamwe chete nezvinangwa zvavo zvekusunungura nyika yeZimbabwe.

Mazita aya aishandiswa asiri echokwadi, izvi zvaiitirwa kuti hama kana mhuri dzavo dzavaisiya kumamisha vachienda kuhondo dzisazoteverwa dzichishungurudzwa nemasoja. Zvino mazita ari pazasi apa anoshandiswa nemagamba achipindirana nezviito neunhu hwavo pamwe chete nemamiriro avo munguva yehondo yeChimurenga.

Komuredhi Kadiki Muhondo – kadiki zvinoreva kuti chinhu chacho chinenge chakanyanya kuita chidikidiki zvikuru. Komuredhi Kadiki vakanga vapinda muhondo vachiri vadiki kwazvo zvinove zvinoenderana nezita ravo. Hunyanzvi hwekurwa hondo hwaive naKadiki hwairatidza kuti akanga akura munyaya dzehondo. Muviri wake waive mudiki asi ari munhu akanga akasimbira mukati ukuwo pameso pake pachiratidza kuti atsenga.

Kuda paanotarisa Komuredhi Kadiki kekutanga anotiudza mashoko anotevera, “Ndakatarisa vaya vainzi Komuredhi Kadiki Muhondo. Zvechokwadiwo vaiva vadiki chaizvo. Sokuona kwangu ndingati vaiva namakore gumi namana chete . . . asati ambokura akanga ave kutoziva pfuti.” P.40

Komuredhi Kandege – ndege inozivikanwa nekumhanya chaizvo. Zita rakomuredhi ava rinoratidza kuti munhu akanga achiziva zvekumhanya. Ndivo vainge vachitungamirira vanhu vaidzidziswa hondo pakamba 2 kuita zvidzidzo zvekumhanya.

Komuredhi Kuda Hondo – kuda kufarira chinhu kana kuita rudo nechinhu. Ava komuredhi vaifarira hondo. Zita iri rinoenderana nekutiza kwavakaita chikoro vachienda kuhondo. Kuda kunorwa hondo vachiuraya mabhunu vari kuZimbabwe.

Komuredhi Mabhunu Muchapera – zita iri rinodudza kuti mabhunu akanga achizoparadzwa nevatema muhondo yeChimurenga. Komuredhi ava vanodudza zita ravo pavanouraya mabhunu zvakanyanyisa.

Munyaradzi  Gunduza

KURUDZIRO yandingakupai ndeyekuti mushandise runyoro rwunoverengeka kuitira kuti vakwenyi vebvunzo vakwanise kunzwisisa mhinduro dzamunenge muchipa.

Runyoro runokosha zvikuru pakupindura bvunzo nekuti ukanyora zvinhu zvisingaverengeki kana zvisinganyatsooneki, unenge uchiita kuti mhinduro dzako dzisanyatsoburitsewo pachena pfungwa dzako.

 Naizvozvo kurudziro ndeyekuti runyoro ngarwuverengeke.

Mapepa aunoshandisa pakupa mhinduro ngaave akashambidzika kwete kubharangidza pepa. Ukabharangidza pepa unokanganisa basa rako kuti ribude richionekera zvakanaka.

Hazvireve kuti kucheka chinhu chaunoona kuti hachisiricho kunorambidzwa, asi kuti ngazvionekwe kuti zvausiri kuda zvachekwa pasina kubharangidza.

Mhinduro dzako dzinongoonekwa nekuti dzinenge dzisina kuchekwa.

Wapedza bvunzo, cherechedza kuti mapepa ese awashandisa pakunyorera bvunzo dzako akabatanidzwa zvakanaka uye akarongana semapinduriro awaita bvunzo.

Zvisinei hazvo, regai nditore mukana uno kutenda vaverengi vese vakanga vachiverenga chikamu chino kubva gore richitanga kusvika nhasi uno.

Mese makatotanga kunyora bvunzo uye vamwe vakatopedza kana kuti vave kupedza saka ndinokushuvirai rombo rakanaka kuti munge muchibudirira mubvunzo idzi kuitira kuti mugozadzikisa zvishuwo zviri kutsi kwemwoyo yenyu.

Malven Mugadzikwa

CHIKORO cheLochinvar Primary School, icho chiri muHarare, chiri kurumbidzwa zvikuru munyaya dzekupakurira vana dzidzo yemhando yepamusoro uye nekubura shasha mune zvemitambo.

Rumbidzo iyi yakaitwa nemusi weChitatu svondo rapera naDistrict Schools Inspector wedunhu reHigh Glen, VaJoseph Kabasa, avo vaiva muenzi anoremekedzwa pagungano rekupihwa mibairo kuvana vepachikoro ichi avo vakabudirira muzvidzidzo nemitambo yakasiyana.

VaJoseph Kabasa

Kuratidza kuti chikoro ichi “chitubu” pakubura shasha, nemusi weChishanu svondo rapera vana veGrade 1 Percussion vepo vakatora mukombe mumakwikwi akaitirwa kuChitungwiza Aquatic Complex uko vakakwikwidzana nezvimwe zvikoro zvakawanda zvakabva kumaDistrict manomwe emuHarare.

“Kuungana kwataita pano vana vechikoro, vabereki nevadzidzisi mucherechedzo wehunyanzvi hwevana vedu mune zvakasiyana zvinosanganisira kugona muchikoro, zvemutambo netsika nemagariro. Iyi ndeimwe nzira yekupa vana shungu kuti varambe vachida kuita zvinhu zvakanaka munyaya dzekugona muchikoro, mitambo pamwe chete nehunhu hwakanaka.

“Lochinvar ndechimwe chezvikoro zvine mazita makuru munyaya dzekubura nyanzvi dzevana mune zvemitambo nekugona muchikoro,” vanodaro VaKabasa apo vaigashidza vana vepachikoro ichi mibairo.

Mai Joyce Kanengoni

Vanoenderera mberi vachiti, “Ndinofarawo kuti zvisinei nekuoma kwakaita zvinhu munyika, chikoro chino charamba chichishingirira mukupa vana dzidzo yemhando yepamusoro zvinova zviri kuonekwa kuburikidza nekugona muchikoro nekutora mibairo kuri kuita vana.

“Kuvabereki, ndinoti rambai muchitsigira chikoro chino nekubhadharira vana mari dzechikoro uye kudzidzisa vana tsika dzakanaka.”

Varairidzi vepaLochinvar Primary School vachipemberera

Mukuru wechikoro ichi, Mai Joyce Kanengoni, vanoti vari kufambirana nenguva mukuvandudza madzidziro evana zvinova zvinoenderana neNew Curriculum.

Pabvunzo dzeZimsec dzeGrade 7 dzakanyorwa gore rakapera, vana vepachikoro ichi vakapasa nechikamu che97 percent.

Muchaneta Chimuka

VABEREKI vemwana mukomana ane makore 14 okuberekwa uyo ane dambudziko rekuoma mitezo avo vanogara kuMbare National, muHarare, vari kutsvaga rubatsiro rwekuti akwanise kuenda kuchikoro chevakaremara.

Mufaro Chanditeya — uyo anonzi akatanga kuoma mitezo aine makore mana okuzvarwa —anoda rubatsiro rwekuti akwanise kuenda kuzvikoro zvevana vakaremara, sepaTose Respite Care Home iri kuProspect, muWaterfalls, muHarare.

Baba vake VaDominic Chanditeya (53) vanoti vari kushaya pekutangira nekuda kwedambudziko rine mwana wavo.

Mufaro Chanditeya naamai vake Majorie Masango asati abatwa nedambudziko.

“Mwoyo wangu wange uchida kuti kudai mwana awana nzvimbo paTose Respite Care Home kuitira kuti akwanise kufunda nevamwe uye kuitiswa mitambo inosimbisa muviri sezvo mitezo yake iri kungoramba ichioma. Ndakamboedza kumuitisa mitambo iyi ndiri kumba akatozotyoka gumbo uye izvi ndaizviita nekushaya mari yekufambisa kuti ndimuendese kuHarare Central Hospital.

“Dambudziko riri pamwana uyu rinoda nyanzvi nekuti kutaura kudai hapana kana chaachakwanisa kuita, paunenge wamusiya ndipo paunomuwana ari. Chikafu tinotoita zvekuchiswededza pahuro nekuti chero ukamuisa mumukanwa haakwanisi kuchimedza oga,” vanodaro.

VaChanditeya vanoti mwana uyu akabarwa asina dambudziko asi paakangosvitsa makore mana nechidimbu okuberekwa, ndipo paakatanga kuoma mitezo.

Vanoti ivo vanoshanda saMaintenance Contractor asi pari zvino mabasa acho ndiwo asiri kubatika kuti vakwanise kurapisa mwana wavo pamwe nekuriritira mhuri uye mudzimai wavo haashande.

“Pamazuva azvakatanga, ndaimbowana mabasa saka ndaikwanisa kuendesa mwana kuchipatara achinobatsirwa nekuitiswa mitambo inosimbisa muviri uye mapiritsi ekuti asagwinha. Pari zvino, nhamo yandimomotera saka ndiri kukundikana kuwana $20 chaiyo yekufambisa kuti ndiende naye kuchipatara.

VaDominic Chanditeya

“KuTose Resipite Care Home ndinoona kuchizobatsira mwana asi pandakamboendako vaiti panodiwa mari uye munhu anoswera naye achiona zvinodiwa paari pamazuva ekutanga,” vanodaro.

Vanoti mwana wavo anokwanisa kumedza chikafu chakareruka sebota, mabanana, nyama nembatatisi zvakagaiwa.

Vanoenderera mberi vachiti, “Amai vake havachakwanisi kuenda kukereke kana kushanya nekuti vanofanirwa kunge vainaye pamba nguva dzose. Anoda mapamba kana manapukeni sezvo asisagona kuzvibatsira oga.”

Vangada kubatsira Mufaro vanokwanisa kufonera baba vake panhamba dzinoti: 0773212586, 0772580839, 0738480112 kana kuisa mari muakaundi yaDominic Chanditeya yeFBC Bank inoti 6017041001851429.

Munyaradzi Gunduza
PARI zvino mave kuziva kuti ngano dzinodzidzwa kuchidzidzo cheUvaranomwe paShona yeA-Level muchikamu chekutanga.

Zvakakosha izvi nekuti zvinokupai mukana wekuverenga mabhuku amunoda kuzopindura pabvunzo.

Iko zvino bhuku rengano raiveko rinonzi Ngano Dzamatambidzanwa rakapera kubvunzwa gore rino Mbudzi 2018.

Tamirira kuziviswa bhuku richange rine ngano dzichaitwa gore rinouya. Iri ibasa rinoitwa neZIMSEC.

Zvisinei nekuti hatisati taziva bhuku rengano dzichadzidzwa nekunyorwa Mbudzi 2019, tati tifanobata zvimwe zvinhu zvinokosha zvikuru pakudzidza nekudzidzisa ngano.

Tichatarisa zvinhu zvakawanda chaizvo zviri pamusoro pengano zvinoti; basa rasarungano, kuziva chinonzi ngano, zvidzidzo zvinowanikwa mungano, basa rengano, vatambi vanowanikwa mungano, mamwe madingindira engano uye mamiriro engano nezvimwewo.

Ruzivo rwese urwu rwunokubatsirai kuti muzokwanisa kuongorora ngano zvizere.

Chii chinonzi ngano?

Ngano mutambo wepasichigare waitambwa nasarungano nevateereri munguva dzemanheru kunyanya mumwaka weChirimo.

Vakuru vakare vaitendera kuti zvaiera kuita ngano munguva dzeZhizha sezvo minda yaizoroporwa navaropo.

Izvi zvaireva kuti minda yaizodyiwa nemhuka dzakaita semakudo, tsoko, makunguwo kana zvimwewo zvikara zvesango zvinoparadza zvirimwa zvinosanganisira mhashu, tsunu nezvimwe zvipembenene.

Chokwadi chaicho ndechekuti kuita ngano munguva dzeZhizha zvaizoita kuti vanhu vaparadze nguva yekuzorora sezvo vaiwandirwa nemabasa. Izvi zvinotsigirwa zvakare nepfungwa yekuti vakuru vedu vairarama nekurima, saka vaiswera vachiita mabasa akasiyana muminda.

Ndizvo zvaiita kuti vazode kukasika kuzorodza miviri munguva dzemanheru.

Nokuda kwaizvozvo, kuita ngano munguva dzehusiku kwaizokanganisa vanhu kuita mabasa avo muzuva raizotevera sezvo vaizoshaya nguva yakakwana yekuzorora.

Sezvo vaShona vaitendera zvakanyanya mutsika dzavo, uye muchitendero chavo, kushandisa zvierwa yaive nzira yekugadzirisa matambudziko munharaunda.

Hapana mwana aizopikisana nepfungwa dzaitaurwa navakuru kana achinge aziviswa kuti zvaaida kuita zvaiera sezvo kupikisa vakuru kwaiburitsa unhu hwakafumuka.

Zvinhu zvakakosha zvinoda kuzivikanwa mungano:

Ziva bhuku rengano

Mabasa engano

Basa rasarungano

Basa revateereri

Madingindira

Tsika nemagariro

Unhu nemabasa anomiririrwa nemhuka

Maonerwo evanhukadzi/vanhurume/vana/vanhu vanoshoreka/vanhu vanorarama nehurema.

Kutandadza kwengano

Mashiripiti anobuda mungano

Maumbirwo engano

Zvidzidzo zvinobuda mungano

Musiyano wenganonyorwa nenganotaurwa

Musoro wengano

Kupfupisa ngano yoga yoga

VANA vechikoro, hounoi mukana wekupota muchitumira mibvunzo yenyu kuKwayedza tibatsirane kuti Shona ireruke. Tumirai mibvunzo yenyu kuMupepeti nenhare dzinoti +263 714 200 007 kana e-mail inoti: kwayedza@zimpapers.co.zw  kana patrick.shamba@zimpapers.co.zw. Taura zita rako rizere, chikoro chako, giredhi, nenzvimbo inowanikwa chikoro chako.

* * *

MHINDURO DZESVONDO RAPERA:

Tipe sungawirirano inoenderana nezita riri kutsanangurwa nechipauro.

1. mombe – hadzi
2. gudo – gadzi
3. gomo – refu
4. gango – guru
5. rima – dema

ZVAKABVA KUVAVERENGI:

Patience Bvumo, Chionana School, Marondera – 1. mombe – hadzi; 2. gudo – gadzi; 3. gomo – refu; 4. gango – guru; 5. rima – dema

Senzeni Mapango, Ushewekunze –1. hadzi; 2. gadzi; 3. refu; 4. guru; 5. dema

Ba Ta Mgosvongwe, Honde Valley – 1. mombe – hadzi; 2. gudo – gadzi; 3. gomo – refu; 4. gango – guru; 5. rima – dema.

Gilbert Kachidza, Kapotesa Primary School, Mudzi  – 1. mombe – hadzi; 2. gudo – gadzi; 3. gomo – refu; 4. gango – guru; 5. rima – dema.

Flincerose Nyamandwe, Hauna, Honde Valley  –  1. hadzi; 2. gadzi; 3. refu; 4. guru; 5. dema.

0774 730 803  –  1. mombe – hadzi; 2. gudo – gadzi; 3. gomo – refu; 4. gango – guru; 5. rima – dema.

Lawrence Tom, Mainway, Waterfalls. – 1. mombe – hadzi; 2. gudo – gadzi; 3. gomo – refu; 4. gango – guru; 5. rima – dema.

Brenda Nyatsika, Hatcliffe, Borrowdale  –  1. mombe – hadzi; 2. gudo – gadzi;3. gomo – refu; 4. gango – guru; 5. rima – dema.

Nyaradzo Maburuse, Form 3E, Chingombe 1 Sec School  – 1. hadzi; 2. gadzi; 3. refu; 4. guru; 5. dema.

Trymore Chinongoza, Form 3E, Chingombe 1 Sec School  – 1. hadzi; 2. gadzi; 3. refu; 4. guru; 5. dema.

Jane Chinongoza, Form 3W, Chingombe 1 Sec School  –  1. hadzi; 2. gadzi; 3. refu; 4. guru; 5. dema.

Raviro Chinongoza, Form 3E, Chingombe 1 Sec School  –  1. hadzi; 2. gadzi; 3. refu; 4. guru; 5. dema.

Perceival Chinongoza, Grade 7, Chingombe Primary School  –  1. hadzi; 2. gadzi; 3. refu; 4. guru; 5. dema.

Munashe Chinongoza, Grade 6, Chingombe Primary School  – 1. hadzi; 2. gadzi; 3. refu; 4. guru; 5. dema.

Phantom Chinongoza, ECD B, Chingombe Primary School  –  1. hadzi; 2. gadzi; 3. refu; 4. guru; 5. dema.

Anesu Mutsvara, Grade 6, Chingombe Primary School  –  1. hadzi; 2. gadzi; 3. refu; 4. guru; 5. dema.

Polite Chinongoza, Grade 7, Chingombe Primary School  –  1. hadzi; 2. gadzi; 3. refu; 4. guru; 5. dema.

0773 648 074 – 1. mombe – hadzi; 2. gudo – gadzi; 3. gomo – refu; 4. gango – guru; 5. rima – dema.

Mike Kavhai, Grade 3, Tsakare Primary School, Mt Darwin  –  1. mombe – hadzi. 2. gudo – gadzi; 3. gomo – refu; 4. gango – guru; 5. rima – dema.

Ndini Princess Mapfumo, St Peter Claver Primary  –  1. mombe – hadzi; 2. gudo – gadzi; 3. gomo – refu; 4. gango – guru; 5. rima – dema.

Sashar Mutingwende, Zvavahera Primary School, Gutu  –  1 mombe – hadzi;  2. gudo – gadzi; 3. gomo – refu; 4. gango – guru; 6. rima – dema.

Godknows Muyambo paKambuzuma  –  1. mombe – hadzi; 2. gudo – gadzi; 3. gomo – refu; 4. gango – guru; 5. rima – dema.

ZVEKUITA:

Tipe sungawirirano inoenderana nezita riri kutsanangurwa nechipauro.

1. mago – dema/matema 2. chingwa – chijena/chichena 3. zai – hombe/huru
2. nzeve – refu/efu 5. ndebvu – ndefu/refu

* * *

Onai mhinduro svondo rinouya.

. Tumira mhinduro panhare dzinoti 0714 200 007.

Munyaradzi Gunduza
TSANANGURA zvinhu zvishanu zvinoitwa naPastor Gift Mwenje mukuedza kuvanza mhosva yavo yekupa Sarah pamuviri muna Kereke Inofa. [25]

Pastor Mwenje vanozama kuvanza pamuviri paSarah pavanoti vaive vakuda kuenda nemunhu mumwe chete kuUK pakati pake naZebra. Tinozviona mushure mesvondo yavanosara muchechi naZebra naSarah vamwe vanhu vaenda kudzimba. Vanovaudza kuti vakanga vakuda kuenda kuUK nemunhu mumwe chete pakati pavo.

Izvi zvinoita kuti Sarah azokwanisa kuenda navo kuUK nekuti Zebra akanga asina mazuva akawanda abvako.

Pastor Mwenje vanoedza kuvanza pamuviri paSarah nekumuudza kuti vaifanira kuenda vese kuUK. Izvi zvinoonekwa pavanenge vari kuMufakose mumotokari yavo manheru vachimuudza kuti vaifanira kuenda vese kuUK kunonyatsoronga nezvenhumbu yake pasina zvizhinji zvaizovakanganisa. Izvi zvinoita kuti Sarah arambe akashinga kuudza Zebra kuti aida kuendawo kuUK.

Imwe nzira inoshandiswa naPastor Mwenje kuedza kuvanza pamuviri paSarah kurambidza Mary kuenda naSarah kwachiremba. Tinozviona pavanenge vari mumba mavo kuna Coventry kuUK, vachimurambidza kuti aende naSarah kwachiremba kunovhenekwa pamuviri vachiti Sarah aisave mwana mudiki uye vaisafanira kuzvinetsa nezvake. Izvi zvinoita kuti vazokwanisa kupiwa mukana wekuperekedza Sarah kuchipatara ndokuruka zano rekushandisa chiremba Ayub Kanu kunyepera Mary kuti Sarah aisave nenhumbu.

Pastor Mwenje vanoronga naSarah kuti anyepedzere kurwara kuri kuvanza pamuviri pavakanga vamupa.

Izvi tinozviona pavanoenda kubasa kwake kunoronga zano rekuti agonyepera kurwara zvakanyanyisa paaizoonekwa nachiremba Ayub Kanu.

Tinozomuona achigomera nekuchema akarara pamubhedha akabata mudumbu ari kumba kwaMary naPastor Mwenje kuUK. Izvi zvinoita kuti chiremba Kanu vazokwanisa kuudza Mary kuti Sarah akanga asina nhumbu asi yaive mweya yekumusha kwake yaiita kuti adaro.

Ticha Danga
MWEDZI uno waMbudzi wapera asi mune zvakawanda zvakaitika zvandaona zvakakodzera kuti titaure nezvazvo. Zvakakosha kumbotora kanguva tichirangarira hama dzedu dzakapararira munjodzi dzemumigwagwa mumwedzi uno.

Nguva ino ndeyekushanyirana tichifara nehama neshamwari asi kana vamwe vedu votadza kusvika kwavanenge vachifanira kuenda nekuda kwetsaona zvinorwadza isu tasara, ndokusaka ndati timborangarira vamwe vedu vakadimburirwa nzendo dzavo nekuda kwerufu.

Tatova munguva yekuwadzana nehama neshamwari tichipanana rudo nezvipo nekushanyirana. Mukuita uku tinenge tichivavarira kupendera gore zvakanaka tichipinda muKisimusi. Ngatipananei rudo nekuti nguva yacho ndiyoyi uye kune vanokwanisa kupawo zvipo kuhama neshamwari zviitei makasununguka.

Zvinobva zvaita kuti timboona nezve mazororo atinokoshesa nekucherechedza muZimbabwe. Regai titange panotangira gore munaNdira. Pasi rose rinocherechedza gore idzva (New Year) apo vanhu vanofara nekurumbidza musiki nekuvapa rimwe gore rekurarama.

Zuva iyi vanhu vanoripemberera nenzira dzakasiyana. MaKirisitu vanoenda kumakereke vachinorumbidza Musiki uye vachiturika nhongwa dzava dzeupenyu dzavanoshuvira kuti vazadzikisirwa naMwari mugore iroro.

Vamwewo vanoswera vachiita mabiko vachifara nehama neshamwari. Vamwe ndipo pavanogara pasi kunyora zvisungo zvekutevedza gore iroro

Tikabva apa, tinobva tambokakavara tisina zororo. Muzvikoro rinenge riri besanwa kumhanyidzana nenguva. Tinozoti tapinda munaKubvumbi pobva papinda zororo rinokosheswa namaKirisitu pasi rese.

Iri izororo reEeaster apo maKirisitu anorangarira kutambudzwa nekuroverwa kwemanakomana waMwari Jesu Kirisitu pamuchinjikwa achizomuka kubva kuvafi muzuva retatu.

Zuva reEaster rinoshanduka gore rega rega nekuti tsvagurudzo (research) inoti zuva iri rinoburitswa zvichitevedzerwa pepa ramazuva rinonzi Gregorian Calender.

Zvinonzi kana papera mwedzi uzere (full moon) kubva musi wa21 Kurume zvisingazopfuuri 25 Kubvumbi svondo yacho iyoyo inotevera panoperera mwedzi uzere inobva yavaEaster zvoreva kuti tinochiverenga mazuva maviri tichidzoka kumashure kuti tiwane Chishanu chakanaka (Good Friday).

Hatibatei mamwe mazororo muchikamu chinotevera.

MHINDURO yemufananidzo wesvondo rapera ndeinoti kuundura kana kutaura. KuManicaland vamwe vanoti kutapura.

Hedzinoi dzimwe dzemhinduro dzakabva kuvamwe vaverengi:

Kuwundura – Trymore Chinongoza, Gutu.

Kuwundura – Munashe Chinongoza, Gutu.

Kuwundura – Jane Chinongoza, Gutu.

Kuwundura – Perceival Chinongoza, Gutu.

Kuwundura – Phantom Chinongoza, Gutu.

Kuwundura – Raviro Chinongoza, Gutu.

Kuwundura – Nyaradzo Maburuse, Gutu.

Kuundura – Tendai Kanken, Sanyati Primary School.

Kuwundura – Slyvia Kombo, Vonabo Farm, Glendale.

Kuundura – Mabhena Special, Dora Dombo, Mutare.

Kuundura – Ealsie Mupaso, Makomo Primary School, Epworth.

Kuundura – Mai Tino, Chegutu.

Kuundura – F Machisa, Kasuwo Village, Mbire.

Kuundura – R. Humbasha Soko Wafawanaka, Unit M Seke, Chitungwiza.

Kuundura – From Kay-one, Chinhoyi.

Kuundura – Knowledge Manokoro, Chitungwiza.

Kubvura – Abisha Matanga, 4220 Manyame Park.

Kuundura – John John, Marondera.

Kuundura – Lamion Chiuta, kwaTakaz, Ushewekunze, Harare.

Kutapura – Mudhara Gonyeti, 28 Emerald West, Headlands.

Kuundura – 0779 648 767.

Kuundura/kubvura – @Sarudzai Muzengeza, Shallom Academy, Epworth.

Kuundura/kubvura – @Grace Marumisa, Shallow Academy, Epworth.

kuwundura – Mashoko Chikuku Chidyamakono School Dhumhe Village, Chivi.

Kuwundura – Mai Bvumo, Stopover, Epworth, Harare.

Kuundura – Lovejoy Mandaza, Kambuzuma.

Kuwundura – Nyasha Shamba, Chi-town, Unit H.

Kuundura – Nyadawa Padenje, Uzumba.

Kuundura – Mathias Chaniwa, Southlands, Harare.

Kuwundura – Bonzo, Budiriro 5A, Harare.

Kutapura – Lister Nyahuku, Mutanda Primary School, Mutare.

Kuwundura – 0775 295 348.

Kuundura – Senzeni Mapango, Ushewekunze.

Kutapura – Ba Ta Mgosvngwe, Honde Valley.

Kuundura – Edmore Zenderani, Hopley.

Kuundura – Gilbert Kachidza, Kapotesa school, Mudzi, 0773 401 865.

Kundura – Livson, Dopiro Farm, Komani.

Kuundura – Buju, Chitamba Farm paGan’a.

Kuwundura – Godknows Sitefani, Ruwa.

Kuundura – Elisha Murwisa, Luxury Store Box 121, Mt Darwin.

Kuundura – 0779 488 137.

Kuhundura – D.M, 0773 134 605, Southerton, Harare.

Kuundura – Kudakwashe Makanjera, Manyame Park, Chitungwiza.

Kuundura – Tichaona Dumba, Mvurwi.

Kundura – Chief Muvengwa, Highfield, Harare.

Kutapura – 28 Emerald West, Headlands.

Kuundura – Tadiwa Mangwiro.

Kuundura – Mai Divine, Kuwadzana 3, Harare.

Kuundura – Ambrose muchenje, Jakata, Rusape.

Kuundura – Nyasha Nyamande, Retreat, Waterfalls.

Kuundura/kuundura – Brenda Nyatsika, Success College, Hatcliffe, Borrowdale.

Kuhundura – Loice Kavhai, Mushonganzou Village, Mt Darwin.

Kutapura – Mai Ngonie Madhunguzah, 19574 Rockview, New Zengeza 5.

Kuwundura/kutapura – Tinashe Violet Pretty Nyamhindu, Grade 4C, Newengo Primary School.

Kuundura – 0773 782 450.

Kuundura – ‘Dr’ Bomba, Belapez Farm, Epworth, Harare.

Kuundura – Obey Bomba, Makomo Primary School, Epworth, Harare.

Kuundura – Gift Bomba, Makomo Primary School, Epworth, Harare.

Kuundura/kutapura – Nigel Nechipote, Melfort.

Kuundura/kutapura – 0772 965 287.

Kuundura – Tendai Kanken, Sanyati Primary School.

Kuwundura/kutapura – Pamela Farisai Nyamhindu, Grade 2, Newengo Primary School.

Kuundura – Gilbert, Murewa.

Kuundura – Bhebhe Emily, Belvitsa Farm, Concession.

Kuundura – Delon Elioti, Unit F, Chi-town.

Kuundura – Nigel Machote, Melfort Park, Bromley.

Kuwundura – Terrence Matienga, Sunningdale 2.

Kuwundura – Pfachapfacha, Karoi.

Kuundura – Standreck Matienga, Sunningdale.

Kuundura – Simbarashe, Mhondoro, Dzumbunu.

Kuundura – Dalton, Marondera.

Kuundura – Reason Danger, Ruwani Sec School, Mt Darwin.

Kuwundura – Tiyange Shereni Chimbizi, Mapunga, Bindura.

Kuwundura – Kenda paMbare.

Kuwundura/kutanhaura – Ambuya Shoko, Chitungwiza.

Kuundura – Stephen Ngirazi, Mungate, Domboshava.

Kuwundura – Lawrence Tom, Mainway, Waterfalls.

Kuundura – Givemore Gurure/Musombodhiya, Mutoko.

Kuundura – 0775 221 594.

Kundura – 0783 679 492.

Kuundura – Mbuya Tadiwa, 2192 Egypt, Highfield.

Kuundura – Tadiwa Mushaninga, 1317 Lusaka, Highfield.

Kuundura – 2 in 1 Allia Allisha, Nyamukondiwa Jaya Village, UMP.

Kuundura – Mumu Chimonyo, Nyanga.

Kuundura – Tete Vee Magomo, Nhakiwa, UMP.

Kuundura – Tinotenda Chimonyo, Nyanga.

Kuundura – Stephen Chimonyo, Nyanga.

Kuundura – Faith Magomo, Lusaka, Highfield.

Kuundura – Mbuya Munashe Chikoto, Meja Village, UMP.

Kuundura – Nigel Chikoto, Machekera Primary School, UMP.

Kuundura – Anashe Magomo, Lusaka, Highfield.

Kuundura – Rnnie Magomo, Uzumba.

Kuundura – Luka Magomo, UMP.

Kuundura – Shingirai Makombe, Salvation Army, Bindura.

Kuundura – Rejoyce Magomo, Magunje Secondary school, UMP.

Kuundura – Sungano Magomo, Highfield.

Kuundura – Nyasha Gono Magomo, Meja Village, Uzumba.

Kuundurwa – Alishas Mangwiro, 4D Mutasa Primary School.

Kuundura – Blaa Munya, Mbare.

Kuundura – 0779 219 401.

Kutapura – Amos Chando, Southlands, Harare.

Kuundura – Keresia Murairwa, Chitungwiza.

Kuundura Angie Mawire, John Galt Village, Nyanga.

Kuundura – Bornwell Manyamba, Grade 5, Tore Primary School.

Kuundura/kutanhaura – Pauline Chidenge, Masvingo.

Kuundura – Mai Jiyangwa, Federation, Chinhoyi.

Kuundura – Johana Mahwngure, Federetation, Chinhoyi.

Kuundura – Mirriam Jiyangwa, Federation, Chinhoyi.

Kuundura – Calisto Gwidzima, Mutare.

Kuundura – Yananiso Meke, Louismountbatten School, Harare.

Kuwundura – Stanley Mutete, Unit N, Chibhanguza.

Kuundura – Mai Rufaro, Chitungwiza.

Kuundura – Tino Matsenhura, St Makebo, Bocha.

Kutapura – Wittmore Mukamba, Mutare.

Kuwundura – Mai Matsenhura, St Makebo Primary School, Bocha Marange.

Kuundura – Misheck Mapondera, Masvingo, Victoria Range.

Kuundura – Gerald Tafireyi, Dangamvura, Mutare.

Kuundura – Chris Sikanda, Grade 2, Runararo Primary School, Chivhu.

Kuundura – Patrick Sango, 3516 t22 Old High, Harare.

Kutanhaura – Takudzwa Gororo, Grade 3, Shallom Future Academy, Stopover, Epworth.

* * *

Kuisa hove kana nyama pamoto asi nechekure kuti idonhe mvura, ropa kana mafuta kunonzi kuita sei?

* * *

Onai mhinduro svondo rinouya.

. Tumira mhinduro panhare dzinoti 0714 200 007.

Farirai Machivenyika
PRESIDENT Mnangagwa svondo rapera vakaparura chirongwa chekupa midziyo inoshandiswa nevana mukudzidza inosanganisira maSmart e-learning kits nemabhuku ekunyorera pachikoro cheGirls High, muHarare, nechinangwa chekuti dzidzo izadzikise chiono chegore ra2030 – chinodaidzwa kuti Vision 2030.

Kuparurwa kwechirongwa ichi kunotevera mushandirapamwe pakati pebazi redzidzo yepuraimairi nesekondari nerevanhukadzi, nharaunda nekusimudzirwa kwemabhizinesi ari pakati nepakati pamwe chete nemakambani akazvimirira.

Mae-learning kits aya – ayo anosvika gumi – akapihwa sechipo neveDevtech pamwe nerimwe sangano rakazvimirira rekuRwanda.

Kit imwe chete ine 40 tablets neprojector uye midziyo iyi ichapihwa kuchikoro chimwe chete mumapurovhinzi 10 emuZimbabwe.

President Mnangagwa vanoti budiriro munyaya yedzidzo inobva pakuve nezvekushandiswa zvakakwana mukufundisa nekudzidza.

“MaSmart e-learning kits nemabhuku ekunyorera aya zvichabatsira zvikuru mukusimudzira ruzivo rwevana, zvinove zvakakosha kana tichitarisa kusanduka kuri kuita zvinhu mazuva ano, pamwe chete nekuzadzikiswa kwechiono cheVision 2030,” vanodaro President.

“Izvi zvinofanira kuenderana nemamiriro ezvinhu zvedu uye zvichibata sesainzi, technology, ICT, utano, nyaya dzenharaunda, kuenzaniswa kwemikana, HIV neAIDS.”

President Mnangagwa vanoti kusimudzira dzidzo kwakakosha mukuderedza nyaya dzehurombo uye nekuti pave nenyanzvi dzemabasa akasiyana.

Vanoti fundo inofanira kuumba mudzidzi anokwanisa kufunga zvinobatika kubvira pazera rechidiki.

Hurumende, vanodaro President Mnangagwa, yakazvipira kushanda nemapoka akasiyana nechinangwa chekusimbaradza chikamu chedzidzo.

“Uhu ndiwo hwaro huri kuita kuti Hurumende ishande nemakambani akasiyana mukusimudzira nyaya dzinoenderana nesainzi, mabasa emawoko, raramo yevana, utano hweveruzhinji, nyaya dzekuenzaniswa kwemikana, kuchengetedzwa kwenharaunda neruzivo rwakadzama pamusoro pekushandiswa kwemari,” vanodaro President Mnangagwa.

Vanoti vakuru vezvikoro zvepuraimari nesekondari vanofanira kuve nezvirongwa zvinosimudzira zvidzidzo zvakadai sesainzi uye nekuti vana vakwanise kufunga pamusoro pezvekugadzira zvinhu zvitsva.

President Mnangagwa vanokurudzirawo vadzidzi kuti vashandise mukana wekuvepo kweruzivo rwechizvino-zvino serwemakombiyuta kuitira kuti vafambirane nenguva pakudzidza. Vachitauraro pachiitiko ichi, gurukota redzidzo yepuraimari nesekondari, Professor Paul Mavima, vanoti dzidzo ndiwo musimboti wekuzadzikisa chiono cheHurumende.

“Dzidzo ndicho chikamu chakakosha zvikuru mukuzadzikisa chiono chekuti vanhu vange vave neupenyu hwepamusoro panosvika 2030,” vanodaro.

Ticha Danga
MAZORORO atinocherechedza muZimbabwe nekune dzimwe nyika ane zvaanoreva muupenyu hwevanhu. Kuona poitwa kana kupihwa zuva sezororo munyika kana pasi rose panenge paita chiitiko chinorangarirwa. Chinogona kuve chiri chakarwadza vanhu pazuva iri kana kuti chakafadza nekugadzirisa upenyu hwevanhu.

Zororo remunyika rinodzikwa nemukuru wenyika.

Tikabata pamusoro pezororo reGoredzva tikasvika muEaster tichibata mwedzi waKubvumbi. Tiri mumwedzi wakare iwoyo, muZimbabwe tinocherechedza zuva rekuzvitonga kuzere musi wa 18 Kubvumbi. Iri izuva guru muZimbabwe apo vanhu vakasunungurwa kubva mujoki rehuranda. Izvi zvakaitika musi wa18 Kubvumbi 1980 saka gore rega rega vanhu vemuZimbabwe vanocherechedza zuva iri.

Tichibva mumhemberero dzekuzvitonga kuzere, tinobva tapinda muzuva rinocherechedzwa kukosha kwavashandi pasi rose (Wokers Day) musi wa 1 Chivabvu. Pazuva iri vashandi havaende kumabasa asi kuti vanoswera vachifara nemhuri dzavo.

Musiwa 25 Chivabvu nyika dzemuAfrica dzinocherechedza zuva reAfrica apo panorangarirwa kubatana kwenyika dzemuAfrica munyaya dzezvekuzvidzivirira nezveupfumi. Zuva rakarongwa izvi raiva ra25 Chivabvu 1963 kuAddis Ababa, kuEthiopia. Mubatanidzwa uyu wakabva watumidzwa kunzi AU zvichireva African Union.

Kubva munaChivabvu tinobva tapinda muna Chikumi apo tinosangana nezuva rinocherechedzwa kunyanya muno muAfrica rinonzi zuva remwana wemuAfrica (The Day of The African Child). Zuva iri rinocherechedzwa musi wa 16 Chikumi.

Tinobva tanhanhira Nyamavhuvhu uyo unotipa mazuva maviri ekuzorora tichirangarira mauto edu uye kurangarira magamba akatisiya muhondo yeChimurenga. Magamba tinoarangarira musi wa12 Nyamavhuvhu mauto edu musi wa13.

Tabva mumazororo maviri aya tinozopinda muna Zvita umo tinocherechedza zuva remubatanidzwa wemapato maviri muZimbabwe anoti ZANU neZAPU musi wa22 Zvita.

Tinobva tapinda muKisimusi gore robva rapera.

VANA vechikoro, hounoi mukana wekupota muchitumira mibvunzo yenyu kuKwayedza tibatsirane kuti Shona ireruke. Tumirai mibvunzo yenyu kuMupepeti nenhare dzinoti +263 714 200 007 kana e-mail inoti: kwayedza@zimpapers.co.zw  kana patrick.shamba@zimpapers.co.zw. Taura zita rako rizere, chikoro chako, giredhi, nenzvimbo inowanikwa chikoro chako.

* * *

MHINDURO DZESVONDO RAPERA:

Tipe sungawirirano inoenderana nezita riri kutsanangurwa nechipauro.

1. mago – matema
2. chingwa – chichena
3. zai – hombe
4. nzeve – refu
5. ndebvu – refu

* * *

ZVAKABVA KUVAVERENGI:

Lawrence Tom, Waterfalls Mainway – 1. mago – matema; 2. chingwa – chichena; 3. zai – hombe; 4. nzeve – refu; 5. ndebvu – refu.

* * *

0784 791 197, Mai Promise – Kutemura kudya sadza risina muriwo kana muto.

* * *

Gilbert Kachidza, Kapotesa Primary School, Mudzi – 1. mago – matema; 2. chingwa – chijena; 3. zai – huru; 4. nzeve – refu; 5. ndebvu – ndefu.

* * *

Loice Kavhai, Darwin – 1. mago – matema; 2. chingwa – chichena; 3. zai – hombe; 4. nzeve – refu; 5. ndebvu – refu.

* * *

0772 915 067 – 1. mago – dema; 2. chingwa – chichena; 3. zai – hombe; 4. nzeve – refu; 5. ndebvu – refu.

* * *

Tecla Marovhu, Harare – 1. hadzi; 2. gadzi; 3. refu; 4. guhu; 5. dema.

* * *

Lawrence Tom, Waterfalls Mainway – Kutemura unenge waimbodya sadza risina muriwo kana kunwa putugadzike isina sugar.

* * *

Getrude Natasha Tavarwisa – Kudya sadza risina muriwo.

ZVEKUITA:

Tipe sungawirirano inoenderana nezita riri kutsanangurwa nechipauro.

1. gumbeze – tiki/diki
2. bhodho – zihombe/hombe
3. bhazi – guru/kuru
4. munda – murefu/urefu
5. gava – chena/jena

* * *

Onai mhinduro svondo rinouya.

. Tumira mhinduro panhare dzinoti 0714 200 007.

* * *

Mhinduro svondo rinouya.

. Tumirai mhinduro panhare dzinoti: 0714 200 007

Mhinduro yesvondo rapera:
Chaitemura chava kuseva.
Inotsananguva munhu uya aimboshaya uyo anenge ava kuwana.
Zvekuita:
Kutemura kuita sei?

Mhinduro: Kutemura kudya sadza usina usavi.
* * *
Svondo rino:
Kuziva ambuya huudzwa.
Kuti uzosvika pakuziva, unenge wawana akudzidzisa nekukutsanangurira.
Zvekuita:
Izwi rekuti “huudzwa” rinobatanidza mazwi maviri anoti: hunge + waudzwa. Nyora tsumo iyi patsva uchishandisa mazwi maviri aya.
* * *

Mhinduro svondo rinouya.
. Tumirai mhinduro panhare dzinoti: 0714 200 007

Munyaradzi Gunduza
BURITSA zvinhu zvishanu zvinojekesa kuti Pastor Gift Mwenje vaishandisa kereke zvisina kunaka muna Kereke Inofa. [25]

Pastor Mwenje vaivanda mabasa avo echipfambi nekereke. Tinozviona pavanosara vachidanana naSarah mudzimai waZebra, iye vamuendesa kuUK kwaivewo nemudzimai wavo, Mary vachiti anoita basa raMwari. Zebra paanozodzoka kuUK kwapera mwedzi mitanhatu, Sarah akanga atove nenhumbu yaPastor Mwenje yakanga yave nemwedzi mina.

Pastor Mwenje vanoputsa imba yenhengo yekereke yavo. Izvi zvinoonekwa pavanodanana naSarah aive nhengo yavainamata nayo kuRevelations Church vachishandisa chigaro chavo chehufundisi chakaitawo kuti avachive. Vanozogumisira vamupa mwana zvinokonzera kuti Zebra ave nepfungwa yekumuramba achiti aifanira kunogara naPastor Mwenje.

Pastor Mwenje vanoshandisa kereke yekuUK kuti ichengete Zebra. Izvi zvinojekeswa nezwi remunyori pavanonzi vakamutengera tikiti rekuti akwire ndenge kuenda kuUK asingazivi. Paanosvikako vanoita kuti apiwe zvekudya nepekurara mahara naMary aiona nezvechechi yekuUK vachiitira kusara vachiwana mukana wekudanana naSarah.

Pastor Mwenje vanoenda naSarah mhiri kwemakungwa vachishandisa zita rekereke. Izvi zvinoburitswa pavanoenda naye kuUK vachiedza kuvanza pamuviri pavainge vamupa. Vanobudirira nekuti Zebra haana kutya kuti vaende nemudzimai wake sezvo vainamata vese uye vaive mufundisi wavo.

Pastor Mwenje vanoba mari dzekereke vachishandisa chidanho chehufundisi. Tinozviona pavanenge vari pamba pavo, mumusha weCoventry, kuUK, vachiudza Sarah kuti Mary aisaziva kuti vakanga vazvomora mamwe mayusa anosvika gumi rezviuru akabva muhomwe yekereke aifanira kunobatsira vanotambura vachimupa kuti atumire Zebra kuZimbabwe.

MHINDURO yemufananidzo wesvondo rapera ndeinoti kusasika.
Hedzinoi dzimwe dzemhinduro dzakabva kuvamwe vaverengi:
Kusasika – Mai Jiyangwa, Federation, Chinhoyi.
Kugocha – G. Zimunya, Prospect, Waterfalls.
Kusasika – Chris Murombedzi, Choshoshe School, Mhondoro.
Kusasika – Tendai Kanken, Grade 3A, Sanyati Primary School.
Kusasika – Tiana Soko, Whozhele, Primary School, Sanyati.
Kusasika – Obey Bomba, Grade 1 Yellow, Makomo Primary School.
Kusasika – Gift Bomba, Grade 6 Brown, Makomo Primary School.
Kusasika – Dr Bomba, 105 Jason Moyo, Belapez Farm, Epworth.
Kusasika – R. Humbasha Mukanya, 0773 910 025.
Kusasika – Doesmatter Komani.
Kusasika – 0773 512 658.
Kusasika – Phinias Davanhava, Prospect, Waterfalls.
Kusasika – Matheous Tereka, Benson Mine, Mudzi, Mutoko.
Kusasika/kuwamba – Gilbert Kachidza, Kapotesa School, Mudzi.
Kusasika – Prophet T. Mabvuto, Chitungwiza.
Kusasika – Brenda Nyatsika, Success College, Hatcliffe, Borrowdale.
Kusasika/kutanika – Nyadawa Padenje, Uzumba.
Kusasika – Mhembere, Domboshava.
Kusasika – Trecy Choto, Budiriro 1, Harare.
Kusasika – Chief Muvengwa, Highfield, Harare.
Kusvina – Kim Gonda, GV7.
Kusasika/kuomesa – Taurai Mataga, Mahusekwa.
Kusasika – Mirriam Jiyangwa, Federation, Chinhoyi.
Kusasika – Johana Mahwangure, Chinhoyi 2 High School, Chinhoyi.
Kusasika – Mbuya vaHannah, 1138 Retreat, Waterfalls.
Kusasika – Baba vaMashie, Chinhoyi Vegetable Market, Chinhoyi.
Kusasika – Nyasha Shamba, 9584, Unit H, Seke Chitungwiza.
Kusasika – Calisto Gwidzima, Mutare.
Kusasika – Getrude Natasha Tavarwisa.
Kumimina – Rodrick Mambara, Mkoba.
Kumimina – Juniour Mambara, Mkoba, Gweru.
Kumimina – Monalisa Mambara, Mkoba, Gweru.
Kusasika – E. Chirema.
Kusasika – Godknows Sitefani, Ruwa.
Kuyanika – Chris Sikanda, Grade 2, Runyararo Primary School, Chivhu.
Kusasika – Lister Nyahuku, Mutanda Primary School, Mutare.
Kushashika/kuyanika – Mashoko Chikuku, Chidyamakono School, Dhume Village, Chivi.
Kusasika – Tiyange Shereni Chimbizi, Mapunga, Bindura.
Kushashika/kusasika – 0774 439 213.
Kusasika – Elisha Murwisa, Luxury Store, Mt Darwin.
Kusasika – Gift Tanya, Grade 5, Chinamano Primary School, Epworth.
Kusasika – Lazarus Gombera, Montros, Mhondoro.
Kusasika – Vimbai Zindonda, Wentwoth Farm Redcliff 0771 563 803.
Kusasika – 0778 198 109.
Kusasika – Ruzvidzo Magondo 2708, Torwood West, Kwekwe.
Kusasika – Takudzwa Gororo.
Kusasika – Tino Chiwanza, Chitowa 2, Murewa.
Kusasika – Nomsa Gumpo, Chitowa 2, Murewa.
Kusasika – Mabhena Special, Dora Dombo, Mutare.
Kusasika – Munashe Nyamun’an’a, Kotwa High School, Mudzi.
Kusasika – Antofagastus Makowero, Hopley.
Kushashika/kusasika – 0775 087 507.
Kushashika – C. Chikove, Shurugwi.
Kusasika – Gilbert, Murewa.
Kusasika – Oscar Tawana Mrewa, Turf, Mhondoro-Ngezi.
Kubvira kwemafuta – 0782 495 413.
Kusasika – Kudzai Mambo, Epworth Primary School.
Kusasika – 0772 959 286
Kusasika – Bradley Institute, P Bag 909 Madiwa, Bindura.
Kusasika – Chamunorwa Mapisa, Nkulumane, Bhuruwayo.
Kusasika – Nyamudahondo, Waterfalls.
Kusasika – Jacob, Rusape.
Kusasika – Douglas Madochi, Nyunga Primary School, Chipinge.
* * *

Kututuma nekuvavira kunoita mahewu kana doro rinenge rasvika padanho rekuti rinwiwe kunonzi kuita sei?
* * *
Onai mhinduro svondo rinouya.
. Tumira mhinduro panhare dzinoti 0714 200 007.

MAVAMBO:

Ngano dziri muboka reuvaranomwe hwemutaurwa, uye dzakaumbwa nezvikamu zvitatu zvinoti mavambo, pakati uye magumo. Ngano zhinji dzinotanga zvakada kufanana sekuti, Kwaivepo . . ., Kune imwe nyika iri kure kwazvo . . ., Ndokunge ari mumwe murume nomukadzi wake . . ., Kare kare kwazvo . . ., Naiwayo mazuva kwaive . . ., Kareko zvako . . .

Aya haasiriwo ega matangiro anogona kuita ngano. Kazhinji matangiro engano anoenderana nenzvimbo inogara sarungano wacho uye ruzivo rwake rwemutauro. Zvakakosha kuongorora kuti ngano dzinotanga sei mubhuku raunenge uchidzidza.

Matangiro mazhinji engano ndeekuti sarungano aiedza napose paaigona kukwezva vateereri vake kuti avatore kuvaisa munyika yekare kare kana iri kure kwazvo uko zvinhu zvose zvaigona kuitika. Izvi zvaibatsira kuti kana vana vaudzwa nasarungano kuti Kare kare kwazvo munyika iri . . ., vana havaizoita simba rekubvunza mibvunzo kuna sarungano maringe nezvavaitaurirwa izvo zvaigona kuzopesana nezvainge zvichionekwa navana muupenyu hwavairarama mazuva ose.

Nokudaro, kudhonzera vana kunyika iri kure, uye yakare kwainge kwakakosha chose pakupa dzidziso inovaka upenyu hwavana pasina kukakavadzana pakati pasarungano navateereri vake. Pamavambo engano ndipo zvakare panobudiswa mamiriro anenge akaita zvinhu mungano sokuti dambudziko richasanganikwa naro murungano rakafanana nenzara kana kushaikwa kwembereko nemhuri.

Kumavambo engano ndiko zvakare kwatinoona nzvimbo inenge ichiitikira ngano yacho. Sarungano anoedza chose kuti ajekese kuti nzvimbo iyi hakuna muteereri anonyatsoiziva takanangana nezvinoitika mairi.

Zvakare kumavambo kwengano tinowanzosangana nemazita evatambi vemungano sekuti paivapo Tsuro naGudo . . ., Izvi zvinongojekesa kuti Tsuro naGudo ndivo vamwe vevatambi vachaonekwa mungano iyi.

Svondo rinouya tinopedzisa mamiriro engano tichitarisa pakati nekumagumo.

Munyaradzi Gunduza
NDIANI waungati mutambi mukuru muna Kereke Inofa? Tsigira nezvinhu zvisere zvaanoita mumutambo uyu. [25]

Mutambi mukuru ndiPastor Mwenje vanoendesa Zebra kuUK. Zvinobuda pavanomutengera tikiti rekukwira ndege asingazive ndokuzoerekana vava kumuti ave kutoenda kuUK vachiitira kusara vachidanana nemudzimai wake, Sarah.

Pastor Mwenje vanodanana nenhengo yekereke yavo. Izvi zvinoonekwa zuva ravanosara vakagara muchechi vari vatatu — Zebra, Sarah naPastor Mwenje — vachikurukura nezverwendo rwekuUK. Zebra paanosuduruka pavaive achienda kunodairira foni yake panze, Pastor Mwenje naSarah vanosara vachitsvodana zvakadzama vokasika kuregedzana.

Mutambi mukuru ndiPastor Mwenje avo vanoba mari dzekereke. Izvi zvinobuda pavanenge vari kuUK naSarah. Vanobvisa gumi rezviuru zvemayusa pamari yekereke yaienda kunobatsira vanhu vanotambura vachiipa Sarah, nhengo yekereke yavo, wavaidanana naye muchivande, achibva aitumira murume wake, Zebra kuZimbabwe.

Kugadzirira marisiti ekunyepa kunoitwa naPastor Mwenje kunoita kuti vave mutambi mukuru. Tinozviona pavanobvisa gumi rezviuru zvemayusa aifanira kuenda kunobatsira vanotambura vachipa Sarah. Vanogadzirisa marisiti aisafambirana nemari yavakabvisa aizoita kuti vasabatwe kuti vaive vambokamura chimwe chidimbu chemayusa.

Pastor Mwenje vanopa nhengo yekereke yavo pamuviri. Izvi zvinoonekwa zuva ravanosara vakagara muchechi naZebra naSarah. Zebra paanoenda panze kunodaira foni. Vanoudzwa naSarah kuti akanga ave nepamuviri pavo paive nemwedzi mina zvinoita kuti vazoronga zano rekutiza naye vachienda kuUK kuri kuedza kuvanziridza pamuviri pavakanga vamupa.

Muna Kereke Inofa mutambi mukuru ndiPastor Mwenje vanonyepera mudzimai wavo, Mary. Izvi zvinojekeswa pavanoudza Mary vari kuUK kuti vakanga vabva naSarah kuZimbabwe nekuti aida kuzvishandira achitsvaga raramo asi chokwadi chiri chekuti vaida kuvanziridza pamuviri pavaive vamupa.

Mutambi mukuru ndiPastor Mwenje vanoita kuti nhengo dzekereke yavo dzitengese imba nemotokari. Tinozviona pavanoudza Sarah naZebra kuti vaida kuenda navo kuUK asi vaifanira kuzvitengera matikiti. Izvi zvinoita kuti Sarah naZebra vazotengesa imba yavo yaive kuBudiriro nemotokari senzira yekuunganidza mari yerwendo.

Ticha Danga
TAVA kuita iya yokuti tigadzire nhava dzedu kuti dziteramire nekuti nguva yapera. Tava kusvika apo tinenge toda kuzvionera toga pasisina zvokubatira pamwe nerudhende nekuti munhu anenge onozvimiririra oga.

Tinoenda mberi tichidzidzisana nekuti dzidzo inoda kuramba ichiwedzerwa chero zvazvo bvunzo rakatonyorwa. Iyi yava dzidzo yekuzvivandudza pachako iyo yauchada wava kuchikoro chepamusoro chawava kuenda. Ndizvowo zvinoitwa navavhimi kuti kana vambenge vachigovana nyama yabatwa, zvinopera apo munhu anenge oenda kumba kwake kunozvionera.

Chose chaachabata munzira ava oga chava chemunhava yake. Zvoreva kuti ruzivo rwotopanana iye zvino rwava rwako wega nekumberi kwauchaenda.

Ndinoda timbobata pandinofunga kuti pakasaririra apo taiita dzokorodzo takatarisana nebvunzo.

Tingave takatsvanzvadzira paya panotaurwa nenyaya yemazwi anoreva zvimwe chete asi tisina kunyatsodzamisa gejo redu. Nokudaro tinoda kupatsokodzera zvakare nekuti ruzivo irworwu ticharwuda mberi kotoenda.

Tine izwi rinoti rova tichireva zviya zvinotaurwa kana munhu agarisa nguva yakareba asingoonekwi navaya vehukama kana vanomuziva. Anogona kunge akaenda kure nebasa zvekusapotawo achimbodzoka zvekuti vanhu vanenge vasisazivi nekwaari.

Zvino kunze kwekushandisa izwi rekuti kurova tinogona kushandisa mazwi anoti dzama, tata kana kuti tetereka. Unonzwa vane ugo kana utesvu kuchiShona voti mwana waVa

Chikanya akadzamira Joni.